Hemserekanê Pêroyîyan ê OHDyî Bunyamîn Şeker û Ayşe Acinikli seba ke Îmrali de Rayberê Şarê Kurdî Abdullah Ocalanî û tepişteyanê bînan Omer Hayrî Konar, Hamîlî Yildirim, Veysî Aktaş bivînê muracatê Wezaretê Edaletî kerd.

Hemserekan muracatê xo de bale ante tecrîd û îzolasyonê vera Rayberê Şarê Kurdî Abdullah Ocalanî û tepişteyanê bînan ser. Hemserekan îfade kerd ke avûkatê înan seba ke şertê înan ca de yê yan nê muracat kerdo. Nê îzahkerdişî ra dima hemserekan muracatê xo de wezaretî rê waşto ke destûr bêro dayene ke ê şorê Îmrali.