Endamê Konseya Rayberdişî yê KCKyî Okî Stêrk TV de rojdem ercna. Qiseykerdişê Okî ra tayê noqtayê girîngî wina yê:

‘’Newroza emserîne cîya bîye. Emser Vengdayîşê ‘Haştîye û Komelê Demokratîkî’ yê Rayber Apoyî morê xo da şayîyan ro. Şarê kurdî û dostanê înan şayîyan de îradeyê xo eşkera kerd û paştî daye vengdayîşî. Şarê ma, têgêrayîşê ma û Rayber Apoyî mojna ke ê çareserîya meseleya kurdan rê amade yê. Wa dewleta tirke bizana ke ma girêdayeyê erjanê xo yê û ma deo sereyê xo nêarê war. Ruhê Newroza emserîne zî no îsbat kerd. Yanî şarê ma na Newroze de meajêko eşkera da.

Rayber Apoyî vengdayîşêko winayên kerd ke komelê Tirkîya, pêro sîyasetî, şarê ma û her kesî eleqedar keno. Naye ser o partîya ma PKKyî 1ê adare de adirbirnayîşêko tekteref îlan kerd. PKK bi mesuldarî nêzdîyê vengdayîşî bi. La dewleta tirke hema zî hêriş kena. Dewlete hema zî bi cidîyetî nêzdîyê prosesî nêbena. Bahçelîyî bi xo venga Rayber Apoyî dabi wa Meclîs de qisey bikero. Dewlete vera vana ke wa PKK kongre bîyaro pêser û çekan war verdo. La kombîyayîşê kongre hendê asan nîyo. Xora embazanê ma zî vat ke Rayber Apoyî  ra ber çew nêeşkeno kongre bîyaro pêser. Ganî îmkanî bêrê viraştene ke Rayber Apo kongre bîyaro pêser. 

Paradîgmaya Rayber ya esase Neteweya Demokratîke-Komelo Demokratîk ê. Seba awankerdişê Komelê Demokratîkî zî têkoşîn lazim o. Ganî şarê ma nê prosesî û paradîgma hol fam bikerê.

Tirkîya de meseleyê kurdan, ekonomî, sîyaset, zereyî ûsn est ê. Komelê Tirkîya babeta demokratîkbîyayîşî qetî nêarde ca. AKP tedaya komelî ra fek vera nêdano. Biewnê nê rojan de hinî CHP û partîyê bînî zî raştê na teda yenê. Eke têkoşînêko îstîsnayî nêro kerdene Tirkîya de qet yew mesele çareser nêbena. Şarê ma û hêzê demokrasîyî ganî bi têkoşînî tedaya dewlete bikerê ke game bierza.

Ez rojbîyayîşê Rayber Apoyî yê 4ê nîsan fîraz kena. Rayber Apoyî tim seba nê şarî têkoşîn kerd. Coka şarê kurdî rojbîyayîşê Rayber Apoyî fîraz kena. Ez wina bawer kena ke emser pêro kurdî serkêşîya cinî û ciwanan de çar parçeyan de rojbîyayîşê Rayber Apoyî fîraz bikerê.’’