Festîvala Kulturê Dêrsimî ya Ewropa ya 15. bi slogana "Ma ne Xorasan, ma ne Tunceli! Ma Dersim me" bajarê Frankfurtî yê Almanya de roja diyîne de dewam kerde.

Festîvala ke roja diyîne de bi panelê cinîyan dest pêkerde bi qiseykerdişê Pîr Zeynel Kete û merasîmê gulbangî ameye akerdene. Pîr Keteyî vistvîrî ke elewîyî tim hetê haştîye de yê û qala qirkerdişê vera komelê kurdan û elewîyanê kurdan kerd.

Badê qiseykerdişanê akerdişî festivale bi ramojnayîşê govende û grûba muzîkî DAKME dewam kerd.

Wekîla DEM Partî ya Dêrsimî Aytene Kordu kadroyê serkêşî yê PKKyî Alî Haydar Kaytan û Riza Altun yad kerdî û veng pêro hetanê komelî ke wa dormeyê vengdayîşê Rayber Apoyî de bêrê têhet. Aytene Kordu bale ante hêrişanê vera elewîyan ê Sûrîye ser û vat zîhnîyetê qirkerdişê vera elewîyan ke tarîxî ra dewam keno hema ganî yo.

Şaredarê Depî Cafer Ugurî zî ard ziwan ke festivale têna aktîvîteya kulturî nîya û vat eynî wextî de têkoşînê tarîxî yê Dêrsimî û dejê ke ameyî ciwîyayêne ana vîr. Cafer Ugurî veng da ciwanan ke wa verê xo bide Dêrsimî.