Serekwekîlê Koma Patîya Demokratîke ya Şaran (HDP) Saruhan Oluçî ke meclîs de derheqê rojdemî de kombîyayîşê çapamenîye kerd, bitaybetî bale ante  tecawuzê çawişê tirkî ser.

Oluçî vatişê çawişê tirkî yê tecawuzkarî  Musa Orhanî ''ti ça wazena gerreyê mi bikere, çîyêk mi nêbeno'' vist vîrî  vat: ''Dima ke medyaya sosyale de nêrazîbîyayîşî zêdîyayî. Tecewukar  Musa Orhan ame destbendkerdene la hewteyêk dima ra ame verdayene. Maya Îpeke vanê ke ''ey paşta çeka manayê xo û dewlete ra wina kerd.'' Raşta zî dewlete û îqtîdar ey pawenê. Kamî pawenê? Hêrişkarê vera Kurdîstanî, tecawuzkarî pawenê.  Vanê ke eke şima kurdê, şima rê edalet çîno.''

Oluç win persa:  Kamî Musa Orhanî pawenê? Na polîtîkaya pawitişê tecawuzkaran do çend dewam bikero û bireso ça? Hemkarê sûcê Musa Orhanî estê, eke estê kam ê? Hukê qey wayîrê tecawuzkarî vejîya? Burokrasîya leşker û sîvîlî yan zî hukmî o pawit?

Oluçî vat: ''Ma reyna dîyî ke vera kurdan hêrişêko sîstematîk esto. Ê 'Qicê başî' yê dewlete û îqtîdarî yê ke falîyetanê xo rê dewam kenê. Hukmî bi nê qerarî rewşa xo reyna fîna çiman ver.''