16ê teşrîna peyêne de (siba) bajarê Kolnî yê Almanya de  semedê azadîya Rayber Apoyî do mîtîng bêro kerdene. Wekîlê DEM Partî Omer Ocalanî semedê tewrbîyayîşê mîtîngî veng da.

Omer Ocalanî vat: ''Ma zî Ewropa de yê, Koln de yê. Vengdayîşo ke ma do Kolnî ra bikerê ganî bireso heme dinya. Ganî mesajê ma tîya ra bireso Îmraliyî. Ganî destê kurdan hewa ra memano. Şarê kurdî şarêko mazlûm o, semedê haştîye têkoşîn keno. Ganî ma Koln de mesajê xo, yê têgêrayîş, rêxistine û Rayberîya xo bi xurtî biyarî ziwan.

Ez zî a roje do Koln de bî. Ma semedê haştîya bianore û çareserîye têkoşîn kenê. Bêrê wa mîtîng de keda şima zî bibo. Şarê ma yê Ewropa zî ganî nê prosesî de rol û mîsyono xo bîyaro ca. Ma do semedê her çîyê rindî bigurîyê û xo tewr xirabe rê zî hazir bikerê, tedbîranê xo bigîrê.

Ma roja şemeyî meydanê Kolnî ra biqîrê. Ma do destê Birêz Ocalanî xurt bikerê. Ganî şarê kurdî û dostê kurdan ê Ewropa tewrê mîtîngî bibê. Ma nê prosesî de destê Birêz Ocalanî xurt bikerê.''