Operasyonê qirkerdişê sîyasîyî de xeylêk şaristanan de leşker û polîsan eşt keyeyan ser û xeylêk kesî destbend kerdî.

Merkez û qezaya Cizîre, Hezex, Silopîya û Dergûlî yê Şirnexî de Ayşegule Ceylan, Reşît Umut Çagli, Agît Şerîgoglu, Ayşe Sosyal, Rojhat Karavîş û kesêko/a ke nameyê ci nêzanîyeno ameyî destbendkerdene.

Îzmîr de şayîya Newroze ya vizêrîne ra dima diyê ci domanî 7 kesî ameyî destbendkerdene. Ewro zî Hemsereka DEM Partî ya Çîglî Leyla Tufan zî tede 19 kesî ameyî destbendkerdene.

Êlih de sereştişê keyeyan de bi îdîaya 'propagandaya rêxistine' Yusuf Îslam Demîr, Halîl Olmez, Zeynepe Arslan, Ayşe Akinci û Mahsum Încî ameyî destbendkerdene.

Wina pawîyeno ke hûmara destbendkerdeyan do bizêdîya.