Oprasyonê qirkerdişê sîyasîyî yê îqtîdarê AKP-MHPyî dewam kenê. 2ê teşrîna verêne de Îstanbul û Kirklareli de îdarekarê HDP, HDP û rêsixtinanê komelê sîvîlî zî tede 21 kesê ke ameybî destbendkerdene, ewro sewqê edlîye bîyî.

Reyna 3ê teşrîna verêne de operasyonanê 26 bajaran de 55 kesî ameybî destbenkerdene ke zafê înan multecî bê. 20 cinîyî vizêr badê îfadeyî serbest ameyî veradayene. Nînan ra çar cînîyî ameyî tebersînorkerdene. Yeno pawitene ke 35 kesê bînî do ewro îfade bidê.

Hetê bînî ra 4ê teşrîna verêne de zî 15 bajaran de 37 kesî rîyê parekerdişê medyaya sanale ameyî destbendkerdene. 

Wezîrê Karanê Zereyî yê Tirkî Alî Yerlikayayî da zanayene ke ewro zî Erzirom, Dîlok, İstanbul û Şirnex de sereştişê keyeyan de 24 kesî ameyî destbendkerdene. Çar rojanê peyênan de hûmara destbendkerdeyan tewr tay bîye 136.