5ê gulane de polîlan hêrişê Merkezê Pêroyî yê HDPyî kerd. Nê hêrişî persê ''vera HDPyî kampanyaya lîncî ya neweyî dîyaye destpêkerdene'' ard rojdem.

Wekîla HDPyî ya Wanî Muazzeze Orhana ke hêrişê vera Merkezê Pêroyî yê HDPyî ANFyî rê ercna vat bi nêzdbîyayîşê vîjnayîşî beno ke hukmat sey vîjnayîşê 1ê teşrîna peyên a 2015î hêrişanê provokatîvan bikero.

Orhane vat: ''Hukmat wazeno ke kaos vejîyo û keno ke kurdan ser o têmîyankewtiş vejo. Eke têmîyankewtiş vejîyo hukmat eşkeno dahîna rew vîjnayîş bikero. Heme hesabê ci semedê newe ra îqtîdarbîyayîşî yê. Halê welatî xora eseno. Sîysetê zereyî û teberî hinî nêeşkeno welatî bixelisno. Rîyê înano raşt bi zelal. No îqtîdar dişmenê kurdan, cinîyan û kede yo. Îqtîdar welatî talan keno. Semedê saltanatê xo hêrişê partîya ma keno. Pankartan danê tay dayîkan û şawenê verê bînaya ma. Xora domanê nê dayîkan zî operasyonê îqtîdarî de mirenî. Eslê xo de her hes zano îqtîdarî welat fînayo senî yew hal. Şar vêşanîye, qedexe û zextan ra tengayî anceno. Îqtîdar leweyê kaşî de yo têna yew tehndayîş ey dano war. Sey çeteyanê Susurlukî ewro mîyanê dewlete de çeteyê bînî est ê. Eşkerayo ke hêrişê vera merkezê partîya ma bi destê nê çeteyan ame kerdene. Rojêke ê zî do bibê eşkera. No welat bi HDPyî eşkeno bireso haştîye û hûzûrî. Ma gerre kerd, proses do bêro destpêkerdene.''