Wan de Meclîsê Cinîyan ê Wanî û aktîvîstê TJA  cinîyan reyde ameyî têhet. Wekîla HDPyî ya Wanî  Muazzeze Orhan, Dayîkê Haştîye,endamê Meclîsê Wanî û bi seyan kesî tewrê aktîvîte bîyî. Cinîyê ke bi kincanê xo yê neteweyîyî tewrê aktîvîte bîyî govend girewt.

Muazzeze Orhana ke tîya qisey kerd ard ziwan ke  înan serrêka xirabe xo dima verdaye û vat do serra newî bibe serra azadîya cinîyan. Orhane bale ante têkoşînê destankî yo ke serkêşîya cinîyan ê kurdan de yeno rayraberdene ser û vat: ''Hêrişê ke seserrî yo vera cinîyan kurdan yenê kerdene nêraseyî amancê xo. Xoverdayîşê kurdan îqîtdaro ke zilm û zordarîye keno serûbin kerd. Pê Qirkerdişê Parisî yo ke Sakîne Cansiz, Fîdane Dogan û Leyla Şaylemez ameyî qetilkerdene mesaj dîya kurdan. La nê  wextî ra nata têkoşînê cinîyan her roje girdêr bi. Cinîyan çirey verê zîhnîyetê serdestî yê camêrdan û îqtîdarî de çok nêda.  Rojawan û Rojhilatê Mîyanênî de serkêşîya cinîyan de vera DAÎŞî têkoşîn ame kerdene. AKP nêwezano cinîyî bibê wayîrê qale. La ê se kenê wa bikerê ma do têkoşînî rê dewam bikerê. Tecrîdê serê Rayberê Şarê Kurdî Abdullah Ocalanî heme zîndanan ra ame vilakerdene. Şexsê Birêz Ocalanî de wazenê komelî bênefes biverdê.  Rîyê polîtîkayanê şerî ra meselaya kurdî hema nêameya çareserkerdene. Muhatabê meseleya kurdî Rayber Apo yo. Heta ke berê Îmraliyî amebî haştîye nîna, krîzê ekonomîkî çareser nêbeno û demokrasî û edalat nînê welat. Sebebê heme probleman tecrîdê vera Birêz Ocalanî yo.''

Aktîvîte bi goştarîkerdişê muzîkî qedîyaye.