Serekê Pêroyî yê CHPyî Ozgur Ozelî û Şaredarê Îstanbulî û Serekê Yewîya Şaredarîyanê Tirkîya (TBB) Ekrem Îmamogluyî vera destsernayîşê şaredarîyanê Mêrdîn, Êlih û Xelfetî yê Dem Partî nêrazîbîyayîşê xo mojna.

Ozelî hesabê xo yê Xî de vat: ''Serê sibayî herinda Ahmet Turkî de qeyûm ame tayînkerdene. Ma bi ferasetêkê winayênî têrî yê ke mezgê ci xirab o, zerrîya ci xirab a, destê ci gemarinî yê. Ez hişyar kena. Qiseyî qedîyayê. Seba têkoşînê vera xirabîye çi gerek keno, wa bêro kerdene.''

Îmamogluyî zî ard ziwan ke îqtîdarî kontol destî ra kerdo, bi hawayêkê nakokî û bêcidîyetî têgêreno û encumenîya TBByî do bi hawayêkê îstîsnayî kom biba.