Wekîla DEM Partî ya Îstanbulî Ozgule Sakî bi wesîleya 8ê Adare Roja Cinîyan a Dinya ANFyî rê qisey kerd û qalê têkoşînê azadîye yê cinîyan kerd. 

Ozgule Sakî îfade kerd ke cinîyî rixmê pêro hêriş, teda û astengîyan zî 8ê Adare sey roja xoverdayîş û serewedaritişî fîraz kenê û vat: ''Cinîyan wextê prosesê janî de zî meydanî terk nêkerdî. Emser 8ê Adare û weçînayîşê herêmîyî resayî pê. Nê prosesî de namzedanê ma yê seba Şaredarîya Anqara ra yewe zî bîye Gultane Kişanak. Gultane embaza ma ya femînîst û aktîvîst a. Coka namzedîya aye seba ma zaf manadar a û namzedîya aye mîyanê cinîyan de kelecanêk viraşt. Ma polîtîkayanê aKP-MHPyî hol zanenê. Teyna bi xoverdayîşî ma eşkenê verê nê polîtîkayan bigêrê.''

Ozgule Sakî pare krd ke sey DEM Partî xebatanê weçînayîşan de ê wayîrê tecrubeyanê pîlan ê û vat: ''Seba rêxistinkerdişê cuya rojane û caardişê na cuye tewr zaf keda cinîyan lazim a. Ganî cinîyî bi hawayêkê azad û têdûştî mîyanê îdareyanê herêmîyan de cabigêrê. Ganî cinîyî bi hawayêkê têdûştî her warê cuye û xebate de  cabigêrê. ''