Parlamenterê Partîya Demokratîke ya Şaran (HDP) yê Amedî Hîşyar Ozsoyî derheqê  merganê ke bi pirodayîşê wesayîtanê zirxinan ê polîs û leşkeran bîyî de vernîyazê persî  teqdîmê meclîsî kerd û waşt ke Wezîrê Karanê Zereyî Suleyman Soyluyî cewabê nê persan bido.

Ozsoyî vist vîrî ke  Muhendîs Cîhan Can  27ê kanûne 2019î de Amed de bi pirodayîşê wesayîtêkê zirxînî cuya xo vînî kerde û vat des serranê peyênan de hûmara sivîlan a ke bi pirodayîşê wesayîtanê zirxinan cuya xo vîne kerde resaye 37.

Ozsoy bi waştişê cewabdayîşê Soyluyî nê persî pers kerdî:

-Heta ewro qezayê ke bîyî derheqê çend heban de ciperasyîşî ameyî akerdene?  Nê cipersayîşî senî ameyî peynîkerdene?

-Hêzanê asayîşê ke qezayî kerdî û bîyî sebebê mergê sivîlan, înan ra çend kesî ameyî tepiştene û cezakerdene? Eke nêameyî tepiştene qey?

-Seba ke mexdurîyetê merdimanê kesanê ke merdî werte ra bêro wedartene çi ame kerdene?

-Qewimîyayîşo ke Cîhan Can cuya xo vînî kerde de senî o bi xo sey se ra pancas bi qusir ame ramojnayene?

-Seba ke reyna qewimîyayîşê winayên mebê  tedbîrê senîn ameyî girewtene?  Plansazîyêk esta?