Wekîlê HDPyî yê Amedî Hişyar Ozsoyî Meclîs de qisey kerd û waşt ke teyarayê ke şinê Kurdîstanî wa bi kirdkî û kurmanckî anonsan bikerê.

Ozsoyî qiseykerdişê xo de wina vat: ''Wezîrê Resayî zî tîya de yo. Ez çewlîgij a û wekîlê Amedî ya. Ma wexto ke şinê şaristananê xo teyarayî têna bi erebkî, tirkî û îngilîzkî anonsan kenê. Se ra 70-80ê şarê Çewlîgî bi kirdkî qisey keno. Şarê Amedî bi kurmanckî qisey keno. Çira Rayîrê Hewayî yê Tirkan (THY) bi kurdkî anonsan nêkenê? La qey pê dewlete şina we? No waştişê ma eşkera yo. Hînî na mesele wa bêra çareserkerdene. Eyb o.''