Pankarta bînaya HDPyî: Ma Peymana Îstanbulî ra fek vera nêdanê!
Rêxistina HDPyî ya Êlihî bînaya xo ser de pankartêke akerde û bale ante qirkerdişê cinîyan û Peymana Îstanbulî ser.
Têgêrayîşê Cinîyan ê Azadan (TJA) û Meclîsê Cinîyan ê HDPyî bînaya HDPyî ya Êlihî rê pankartêke daliqnaye û bale ante qirkerdişê cinîyan û Peymana Îstanbulî ser.
Pankarte de nameyê 88 cinîyanê ke mîyanê 3 menganê verênan ê 2021î de qetil bîyê, nusîyayî. Pankarte de wina zî nusîyeno: ''Ma Peymana Îstanbulî ra fek vera nêdanê. Peymana Îstanbulî cuye pawena.''
