Paris de rayraşîyayîşê hîrê rojan do bêro kerdene
Paytextê Fransa Paris de vera Komployê Mîyanneteweyî yê vera Rayberê Şarê Kurdî Abdullah Ocalanî rayraşîyayîşê hîrê rojan do bêro kerdene.
Paytextê Fransa Paris de bi wesîleya serrgêra 15ê Sibete hetê Têgêrayîşê Cinîyan ê Kurdan û Konseya Kurdanê Demokratîkan a Fransa (CDK-F) rayraşîyayîşê hîrê rojan ame organîzekerdene.
Çalakîye 10ê sibate saete 11.00 de îstasyonê trenan ê Drancyî de do bêro destpêkerdene. 11ê sibate de saete 11.00 de Meydanê Denfert-Rochereau de û 12ê sibate de saete 12.00 de Meydanê République de do bêro destpêkerdene.
TJK-F û CDK-Fyî komplo şermezar ked û semedê tewrbîyayîşê çalakîye veng da kurdîstanijan.
