Parîs de rayraşîyayîşê Rayber Apoyî rê azadîye dest pêkerd

Rayraşîyayîşo ke semedê azadîya Rayberê Şarê Kurdî Abdullah Ocalanî hetê ciwanan ra ame organîzekerdene Paris de dest pêkerd.

Têgêrayîşê Ciwananê Şorişgêran (TCŞ) û Cinîyan ê Ciwanan ê Têkoşeran (TÊKO-JIN) vera îşxal û qirkerdişê serê Kurdîstanî û vera tecrîdkerdişê Rayberê Şarê Kurdî Abdullah Ocalanî paytextê  Fransa Paris de rayraşîyayîşo derg ê 2 rojan organîze kerd.Bi seyan ciwanê ke Drancy de ameyî têhet bi eşkerayîya çapemenîye dest pê rayraşîyayîşî kerd.

Serhad Ronîyo ke bi anmeyê TCŞyî eşkerayîye wende vat: ''Şexsê Rayberê Şarê Kurdî  Rayber Apoyî de vera Têgêrayîşê Azadîye yê Kurdîstanî û şarê kurdî polîtîkayê tecrîd û hêrişî yenê rayraberdene. Gerîlayê ke semedê pawitişê şarê xo şer kenê  hêz moralê xo zî şarê xo ra genê. Ma zî pê çalakîya xo mojenenê ke  gerîlayê ma têna nîyê. Heta azadkerdişê Rayber Apoyî ma do tim payan ser bi. Ma sey aktîvîstanê TCŞ û TekoJin veng danê heme ciwananê kurdan, şarê xo û enternasyonalîstan ke wa bi ruhê seferberîye tewrê hemleya 'Werin Cenga Azadiyê' bibê.''

Rayraşîyayîş ewro do Drancy-Stalingrad de bêro kerdene û siba merkezê Parisî de mabênê Merkezê Kulturî yê Ahmet Kaya û Nationalî de dewam bikero.