Aktîvîstanê Têgêrayîşê Ciwananê Şorişgêran (TCŞ) şîarê ''Rayberîya ciwananê Apogîran de ma do komployî parçe bikerê'' banlîyoyê Villiers Le Belî yê Parisî de seba azadîya Rayberê Şarê Kurdî Abdullah Ocalanî çalakîya rayraşîyayîşî kerde.

Çalakîye de fotografê Ocalanî û pankartê bi nuşteyê 'Ocalanî rê Azadîye' ameyî kiriştene. Ciwanan pê sloganan çalakîye xo kerde, dima eşkerayîye wende. Ciwanan ard ziwan ke ê do seba azadîya Abdullah Ocalanî her ca de têkoşînî pîlêr bikerê.