Paytextê Fransa Paris de semedê protestokerdişê şewatanê vera  daristananê Kurdsîtanî ke pê destê dewleta tirke yenê vetene çalakîyêke ameye kerdene. Çalakîya ke hetê  ADHK, ACTİT, BİR-KAR, ONCU PARTİZAN, CDK-F, PDD  û ODAKî ameye kerdene xeylêk kesî tewrê ci bîyî.

Çalakîye de pankrata sey Dêrsim nêveşeno yeno vêşnayene ame kerdene û bale ameye ser antene ke daristanî pê destê dewlete yenê vêşnayene . Çalakîye de bi nameyê Yewîya Hêzê Demokratîkî eşkerayîye ameye wendene. Eşkerayîye de ama vîrvistene ke Tirkîya de şewatî rîyê rantî ra û Kurdîstan de zî rîyê operasyonanê leşkerî ra yenê vetene û ame vatene ke Kurdîtan de şewatê ke leşkeran vetî de bi hezaran hektarê daristanî vêşayî biyî wele. Reyna bale ameye antene ser ke hêzê dewlete ke şewatan vejenê nêverdenê şarê pê îmkananê xo zî şewatan hewna bikero ser û ame vatene ke  nê semedî ra verê çimanê şarî daristanî vêşenê çîn benê. Qiseykerdişan de ame vatene ke dewleta qedilkare do hesabê nê kerdişanê xo bido.