Paytextê Fransa Paris û bajarê Marsilya de çarçewaya hemleya ''Abdullah Ocalanî rê azadîye, meseleya kurdan rê çareserîya sîyasîye'' de ciwanan stand akerd.

Paris de ciwanan seba ke paradîgmaya Rayberê Şarê Kurdî Abdullah Ocalanî bide naskerdene û sîstemê qirkerdişî yê Îmraliyî teşhîr bikerî, verê Quleyê Eyfelî de stand akerd.

Serkêşîya Tevgera Ciwanên Şoreşgerî de  derheqê felsefeya Ocalanî de vilawekê bi firansîzkî ameyî vilakerdene.Ciwanan vilawekî pîya bi kartanê ke vateyê Abdullah Ocalanî ser o nuşteyî bi vilikan turistan rê vila kerdî.

Reyna ciwanan bi şîarê Ma bi felsefeya Rayber Apoyî azad benê aktîvîteya wendişî ya saetêke zî organîze kerd.

Marsilya de zi endamanê Meclîsê Ciwanan ê Şehîd Tîjda Ekecik qeraxê Viaportî de stand akerd, pawitişanê Rayberê Şarê Kurdî Abdullah Ocalanî ra beşî wendî.

Aktîvîte de ya ke  zaf bale ante xo ser,  derheqê sîstemê qirkerdişî yê Îmraliyî de ame muneqeşekerdene.

Ciwanan bi vilikan derheqê pawitişê Abdullah Ocalanî û sîstemê îşkenceyî yê Îmraliyî de vilawekê  vila kerdî.

Aktîvîteya ke hîrê saete kerd derg bi govende û slogana “Bijî Serok Apo” qedîyaye.