Sere de welatê Ewropa her hetê dinya ra mesajê paştdayîşê HDPyî yenê dayene ke bi qerarê îqtîdarê AKP-MHPyî derheqê ci de dewaya qefilnayîşî ameye akerdene.

Vizêr paytextê Almanya Berlin de semedê paştdayîşê HDPyî çalakîyêke ameye kerdene. Parlamenterê Partîya Çepe ke tewr çalakîye bîyî derheqê babete de ANFyî rê qisey kerd.

Christine Buchholz ard ziwan ke badê akerdişê dewa seba Tirkîya qisewetê aye zêdîyeyî vat: ''Ganî nê zextî hînî biqedîye.'' Bucholze venga hukmatê Merkele zî da ke wa paştî medê hukmatê Erdoganî û waşt ke wa rotişê çeke bêro vindarneye û xebata hempare ke mabênê wird welatan de binê  nameyê 'hemkarîya asayîşî' de yena kerdene, bêro qedînayene.

Pascal Meiser zî ard ziwan ke eke HDP bêro qefilnayene demokrasîyê rejîmê Erdoganî do bi temamî biqedîyo û veng da hukmatê Merkele ke wa Erdoganî ra vajê hînî bes o. Meiserî veng da endamanê Meclîsê Federalî ke wa paştî bidê HDPyî vat: ''Ganî heme parlamenterî vera krîmînalîzêkerdişê HDP û sîyasetê kurdan vejîyê.''

Hakan Taşî zî ard ziwan ke seba ke derheqê HDPyî de zanayîş bidê rayrapêroyîye ya almanî wina çalakîyan kenê û vat: ''Partîya ke îdareyê 6 mîlyonna temsîl kena rê çîyo wînayên nîno qebulkerdene. Ma do heta peynî paştî bidê HDPyî.''