23ê adare de Polîsê Asayîşê Swêdî (SAPO) tewrê kombîyayîşê Komîsyonê Têkilîyanê Teberî yê Parlamento bîyî û derheqê rewşa asayîşî ya welatî de agahîyî dayî partîyan. Vervatoxê Polîtîkaya Teberî û Wekîlê Partîya Çepe ya Swêdî Håkan Svennelingî waşt ke wa SAPO derheqê têkilîyanê xo yê MÎTî de agahîyan bido.

Håkan Svennelingî dima ANFyî rê qisey kerd û da zanayene ke SAPOyî cewabê persê ci nêda.

Vervatoxê Polîtîkaya Teberî û Wekîlê Partîya Çepe ya Swêdî Håkan Svennelingî vat: ''Swêd de kurdî û rêxistinê kurdan sey rîskê asayîşî dîyenê. La çalakîyê kurdan qet asayîşê dewlete rê gef nêwanenê. Wezaretê Karanê Zereyî bi hawayêkê cîyakerî nêzdîyê kurdan beno ke no nêno qebulkerdene. Kurdî hînî pê SAPOyî bawer nêkenê. Ganî SAPO hînî peynîya tedaya xo ya vera kurdan bîyaro.''