Hunermende Sezene Aksu deyîra xo ya bi nameyê ''Şahane bir şey yaşamak'' (Ciwîyayîş çiqas rind o) bibî hedefê Erdoganî. Erdoganî Aksuye rê gef wendbi û vatbi ''Ma do ziwanê ci pabikerê.''

Sezene Aksu bi şîîra ''Avci'' (Seydwan) cewab da gefan. Şîîre sere de kurdkî açarîyaye bi desan ziwanana.

Latîfe Tekîn, Nure Surer, Pinare Aydinlar, Elîfe Şafak, Ece Temelkûran, Bîrhane Keskîn û Sema Kaygusuz zî tede 217 kesan bi metnêkê hemparî paştî daye Aksuye. Metn de gefê Erdoganî ameyî şermezarkerdene û dîya zanayene ke ê do sey hunermendan têkoşînê xo rê dewam bikerê û azadîya fkran bipawê.