Qezaya Pasûrî ya Amedî de weçînayîşanê 31ê adare de DEM Partî rixmê dek û dolabanê AKPyî zî ser kewtbî. Hemşaredaranê Pasûrî Murat Îpek û Fatma Ay ewro mazbataya girewte. Hemşaredaran şarî de şayîye kerde û dima ver bi şaredarîye rayraşîyayîş kerd.

Bajarekê Zîyaretî yê qezaya Baykanî yê Sêrtî de zî Hemşaredaran Enes Cengîz û Berfîne Evren mazbataya xo girewte. Wekîla Sêrtî Sabahate Erdogan Saritaş, Hemserekê DEM Partî yê Sêrtî Eşref Tekîn û Rewşan Aslan û hemşaredarî pîya şîyî şaredarîye.