Wekîlê HDPyî Garo Pylanî derheqê gefê vera Weqfa Hrant Dînkî de ke di reyî pê emailî ame wendene, ANFyî reyde qisey kerd. Paylanî da zanayene ke no hêriş netîceya atmosferê kînî ya îqtîdarî de vejîyaye werte û ganî derheqê ci de tehqîqatêko hîra bêro kerdene ke organîze yo yan ney. 

Paylanî vat: ''Kîn û nefret tim benê sebebê sûcanê winasênan. Ganî çirikê nê kîn û nefretî ke pê atmosferêk virazîya, bêro zuwakerdene. Hêrişê vera Weqfa Hrant Dînk û LGBTÎ girêdayeyê yewbînan ê. ''

Paylanî îfade kerd ke ganî verê nê sûcan pê qanûnêk û cezayanê bitesîran bêro girewtene. Paylanî pare kerd ke derheqê babete de nê hêrişî ra verî înan qanûnêk pêşkêşê Meclîsî kerd û reyna babete do berê rojdemê Meclîsî.

Paylanî vat: ''Dinya de atmosferê kînî vila beno. Otokratê ke manenê Erdogan, dinya de wayîrê hêzêkê pîlî yê. Ma do vera nê atmosferî atmosferê haştîye û dmokrasîyî xurtêr bikerê.  Ganî ma pîya peynîya nê atmosferî bîyarê. Têna welatê xo nê ganî ma pêro dinya teslîmê tarîtîye nêkerê.''