Rojnamegera hollandayîje Frederike Geerdink da zanayene ke a Herêma Kurdîstanê Federalî ra ameya tebersînorkerdene.

Frederike Geerdink hesabê xo yê twitterî ser de vat: ''Ez herêma Kurdîstanê Iraqî ra ameya tebersînorkerdene. Polîsan ez cinişna wesayîtêkî û berda Meydanê Teyarayan ê Hewlêrî.''

Frederike Geerdink îfade kerd ke a sey ''persona non grata'' (merdima ke nêwazîyena) ameya îlankerdene û vat: ''Destê Erdoganî derg ê. Her çî ra ver cayê xemgînîye yo ke selahîyetdarê Herêma Kurdîstanî ra yew cinîya ke destê ci de qeleme est a, tira hende tersenê.''

Rojnamegera hollandayîje Frederike Geerdink pare kerd ke aye waştêne derbazê şaristanê Kobanê yê Rojawanê Kurdîstanî biba la a hele ameya vindarnayene û vat: ''Seba ke qelema mi seba îqtîdarî zaf tûj a, ez pê sereberz a.''

Rojnamegera hollandayîje Frederike Geerdink êlul û çeleyê 2015î de Tirkîya de bi bahaneya 'propagandaya PKKyî' amebî destbendkerdene.