Vizêr Meclîsê Tirkîya de hêrişanê îşxalî yê Garê ser o nîqaşî estbî. Nîqaşan de Wezîrê Karanê Zereyî îdîa kerd ke Pervîne Buldan derheqê esîran de vato 'tay bibê meyman dima vera bidîyê.'

Pervîne Buldan na îdîa red kerde û vat: ''Raştîya nê serebûtî çin a. Wekîla AKPyî Oznure Çalik wexto ke ez Serekwekîla Kome bîya gêrîyaye mi û vat dadîya leşkerêkê esîrî kanser a û wazeno lajê xo ra xebere bigêra.Wextê prosesê çareserîye bi. Mi zî tira vat ke eke xeberêke bigêra ez do qetî aye reyde pare bikera. Xebere ameye ke leşkerê esîrî vato rewşa ci hol a. Mi Çalike rê vat 'Weşîya ci hol a. Hêvî kena ke nêzdî de do bêro veradayene. Eke destê mi ra çîyêk bêro ez do bikera. Dîyalogê ma têna wina bi. Îdîayê wezîrî raşt nîyê.''