Heyeto ke endamanê Meclîsê Temsîlkaran ê Amerîka ra yeno pê Wezîrê Karanê Teberî Hakan Fîdan de pêvînayîş kerd. Heyet dima Wezîrê Pawitişî û Serekê Komîsyonê Meclîsî de zî do qisey bikero.
Heyeto ke endamanê Meclîsê Temsîlkaran ê Amerîka Mihe Rogers, Adam Smithî ra yeno pê seba tay pêvînayîşan paytextê Tirkîya Anqara de yo.
Heyetî vizêr hêverî Wezîrê Karanê Teberî Hakan Fîdan de pêvînayîş kerd.
Heyet ewro zî Serekê MÎTî Îbrahîm Kalin, Wezîrê Pawitişê Millî Yaşar Guler û Serekê Komîsyonê Pawitişî yê Meclîsî Hulusî Akar de pêvînayîş bikero.
Goreyê eşkerayîya Wezîrîya Pawitişî pêvînayîşan de hêrişê vera PKKyî û Rojawanî, prosesê tedarîk û modernîzasyonî yê F16an do bêrê ercnayene.
Nê pêvînayîşî wextê hêrişan û gefanê dewleta tirke yê vera Rojawan û Başûrê Kurdîstanî de yenê kerdene.
Serekkomarê Tirkîya Erdogan wina plan keno ke nîsane de şoro Iraqî û 6ê gulane de zî şoro Amerîka.
