Pîran de leşkerî destûr nêdanê şewat bêro hewnakerdene
Taxa Prejmanî ya qezaya Pîranê Amedî de bi rojan o şewat dewam keno. Dîya zanayene ke leşkerî destûr nêdanê ke şewat bêro hewnakerdene.
Qezaya Pîranî ya Amedî de şewato ke 1ê hezîrane de badê operasyonê leşkerî dest pêkerd dewam keno.
Çimeyanê cayîyan da zanayene ke vizêr saetanê nêmroje de Koyê Gorse ke verrojê ci de şewat dewam keno, pê helîkopteran ame bombardumankerdene. Bi tesîrê hewayî şewat vila beno. Ekîbê îtfaye ke semedê hewnakerdişî ame hetê leşkeran ra ame astengkerdene.
Hetê bînî ra ame vatene ke Qeymeqamîya Pîranî qerar girewto ke heta ke şewat mereso cayê roniştişî do ci rê mudaxale nêro kerdene.
