Partîya Karkeran a Şorişgêre Kadikoy de hêrişo nîjadperest ê vera karkeran ê kurdan ê Sakarya protesto kerd. Çalakîye binê ablûqaya polîsan de ameye kerdene û Wekîlê HDPyî Musa Pîroglu zî tewrê çalakîye bi.

Musa Pîrogluyî çalakîye de qisey kerd û vat: ''Îqtîdar bi dişmenîya vera kurdan xo bihêz keno. Her cayê Tirkîya de vera kurdan hêrişî yenê kerdene.'' Musa Pîrogluyî bale ante serebûtê Îpeke Er ser zî û vat: ''Dewlete tecawuzkeran vera dana la rojnameger, sîyasetmedar, dizd û kiştoxan vera dana. Wezîfeyê ma yo ke ma şarê kurdî û karkeranê kurdan bipawê. hêrişê vera karkeran ê kurdan hêrişê vera hêzanê demokrasî yo.''

Çalakîye de Dogan Sakaliyî zî nameyê Partîya Karkeran a Şorişgêre ser o eşkerayîye wende û îfade kerd ke hêrişê vera karkeranê kurdan hêrişê pêro karkeran û merdimî yo. Sakalliyî da zanayene ke polîtîkayê şovenîstî yê îqtîdarî dişmenîya vera kurdan geş kenê. Sakalliyî vat: ''Ma vera nîjadperestî mil bi mil têkoşîn bikerê.''