PJAKî derheqê qeraro ke Amerîka vera kadroyanê serkêşan ê têgêrayîşê azadîye girewto de eşkerayîye daye û nê vatî:

''Dewro ke şarê kurdî dinya de sey serkêşanê azadîye û demokrasîyî yeno naskerene de Wezîrîya Karanê Teberî yê Amerîka derheqê hîrê kadroyanê serkêşan ê Têgêrayîşê Azadîye yê Kurdîstanî de qerarê xo newe kerd. No nizdîbîyayîşo dişmenkî yo. Tewirê Amerîka û Tirkîya ya ke têna dişmenê kurdan nê dişmenê şaranê herême ya,  sey yewbînan o. Amerîka hetêkî ra Qirkerdişê Armenîyan sey fermî qebul kena hetê bînî ra vera şarê kurdî û serkêşanê înan qeraranê teberê merdimîyê yê bêhuqûqan gena.

No qerar û vengdayîşê azadîye û haştîye yê Amerîka yê ke dinya ra kena yewbînan ra peykî yê. Sere de sazgeh û rêxisitinê kurdan her kes ganî vera nayî vejîyo. Ma sey PJAKî nê qerarî şermezar kenê û veng danê şarê Amerîka ke wa paştî dewaya meşruye ya şar û serkêşanê kurdan. Reyna ma veng danê Wezîrîya Karanê Teberî yê Amerîka ke wa nê qerarê xo reyna çimî ra ravêrnê û şerwananê azadîye rê hurmet bimojnê. Amerîka ganî faşîzm û peydemendişê herême rê xizmet nêkero.