Platformê Kede û Demokrasîyî yê amedî Egitim-Sen de derheqê weçînayîşanê 31ê adare de eşkerayîyêke daye. 

Vervatoxê Platformî Bawer Baburî ard ziwan ke asayîşê sindoqan zaf girîng o û vat: ''Şar seba asayîşê sindoqan qerqilîyeno. Partîyê îqtîdarî pêro îmkananê dewlete şuxilnenê la partîyê muxalefetî raştê teda û astengîyan yenê.

Roja weçînayîşan de ganî asayîşê sindoqan bêkêmasî bêro caardene. Heyetê Weçînayîşî yê Berzî (YSK) ganî bi hawayêkê xoserî têbigêro. Ganî erkdarê asayîşî zî goreyê standartanê demokrasîyî selahîyetanê xo bişuxilnê.''