Îstanbul de wendekarê unîversîteyî seba ke qerarê perwerdeyê dûrî yo ke badê erdlerzî ame girewtene, protesto bikerî, Kadikoy de ameyî têhet. 

Çalakîya ke Wekîlê HDPyî yê Îstanbulî Musa Pîroglu zî tewrê ci bi, polîsan hêrişê çalakwanan kerd. Rojnamegerî zî hetê polîsan ra ameyî astengkerdene. Polîsan hêrişê wendekaran kerd û bi desan kesî bi derbkerdişî destbend kerdî.

Şarî bi vatişê 'Şima wextê erdlerzî de ça bê' paştî daye wendekaran. Polîsan hêrişê şarî zî kerd û dekewtiş û vejîyayîşê cayanê karî yê kuçeyî asteng kerdî. Musa Pirogluyî vera hêrişê polîsan nêrazîbîyayîşê xo ard ziwan.