Rêxistina HDPyî ya Îzmîrî waşt ke seba ke bira Mehkemeya Heqanê Merdiman a Ewropa (MHME) ya serê Selahattîn Demîrtaşî bêra caardene faksan bierşawê Wezaretê Edaletî. Qirse wexto ke şubeyê PTTyî yê Meydanê Cumhurîyetî waşt ke tîya de eşkerayîyêke bido. 

La polîsanê tirkan dormeyê PTTyî girewt û bi bahaneya pandemî eşkerayîya girseyê HDPyî asteng kerde. 

Hemserekê HDPyî yê Îzmîrî Abdulkadîr Baydurî astengîya polîsan rexne kerde û vat: ''Vera HDPyî kerdişê keyfî estê. Walîtîya Îzmîrî, Wezaretê Karanê Zereyî û hukmat xebatanê HDPyî asteng kenê. Nika eşkerayîya ma ya çapemenîye yena astenkerdene. Ma do seba caardişê bira MHME faksî bierşawitêne Wezaretê Edaletî. La polîsî hê eşkerayîya çalakîya ma asteng kenê. ''

Girseyî dima waştişnameyî îmza kerdî û erşawitî Wezaretê Edaletî.