Xoverdayîşê dayîkanê girewteyan û aşitî yê vernîya Hepisxaneyê Gebze yê seba wayîrvejîyayîşê xoverdayîşê 7 hezar girewteyan ê ke vera tecrîdî grevê vêşanîye de yê kewt roja 26’ine. Parlementera HDP’yî Meral Daniş Beştaşe zî tewrê çalakîya ewroyî bîye. Çalakîya ke bi desan dayîkî tewrê ci bîyê, munaqeşeyê mabênê polîs û Danişe de ame dîyayene ke hêrişê dewleta Tirkî yê vera dayîkan senî yeno meşrûkerdene.

Beştaşe bi vatişê, “Şima bi nameyê rayapêroyî xebat kenê, ez temsîlkara 81 mîlyon hemwelatijanê Tirkîya ya, teyna înan ê ke ez weçînaya nîya. Welatêkê bi demokratîkî de, dewlete mucbura ke pawitişê canê şarî, heqa cuye, azadîya fikrî û xoîfadekerdişî ra wayîr bivejîyo. Leyê ma dayîkî estê. Girêdayîşê dayîkan ê seba domananê înan, israrê înan o serê na babete tu dewletêk nêeşkena esteng bikera.”

Wexto ke qiseykerdişê Danişe dewam kerdêne polîsî fermanê dormegirewtişî da. Polîsê ke nêeşkenê xoverdayîşê dayikan bişiknê, hêriş bi dayîkan kerd. Kesêk ame destbendkerdene.