Înîsîyatîfê Paştdayîşê Tepişteyan vizêr bi şîarê ''Ma do destûr medê zîndanî bibê keyeyê mergî'' Kadikoyê Îstanbulî de çalakîye kerde. Polîsan hêriş kerd û xeylêk kesî destbend kerdî.

Polîsan çalakwanî girewtî binê ablûqa û destûr nêda çalakîye. Rixmê heme astengîyan endamanê înîsîtayîfî fotografê tepişteyanê nêweşan akerdî û eşkerayîye wende. Polîsan hêriş kerd, çalakwanan bi slogananê ''Wa zîndanî birijîye, tepişteyan rê azadîye'' û ''Ma do pê têkoşînî ser bikewê'' cewab da. Polîsan bi derbkerdişî 12 kesî kesî destbend kerdî.

Nameyê kesanê ke ameyî destbendkerdene wina yê: Temsîlkarê SMFyî Mahîr Gurz, Vervatoxê Dewrî yê Înîsîyatîfî Erkan Çita, endamê înîsîyatîfî Huseyîn Îldan, Îbrahîm Hakki Eren, Mert Soydan, Abdulmelîk Yalçin, Mercan Dogan, Mahîr Gurz, Melîk Okan Danaci, Koran Turkay, Ugur Şafak.

12 kesê ke ameyî destbendkerdene badê îfadedayîşî ameyî veradayene.