Nobeta Edaletî ya Îstanbulî de 2 cinîyî ameyî destbendkerdene
Fince Akman û Cemile Çiftçî yê ke Nobeta Edaletî ya Îstanbulî de semedê tepişteyanê sîyasîyan edalet waştêne hetê polîsan ra pê îşkenceyî ameyî destbendkerdene.
Nobeta Edaletî ya ke Çaglayanê Îstanbulî de semedê azadîya tepişteyanê nêweşan û êyê ke înfazê înan ameyo vêşnayene, yena rayrabererdene hewteyê 6. de dewam kerde.
Dayîka tepişte Yakup Akmanî Fince Akman û waya tepişteyê nêweşê giranî Selim Çîftçiyî Cemile Çiftçi seba ke bale biancê zextanê zîndanan ser verê edlîye de ameyî têhet. Avûkatanê ke vera qerarê Dewaya Gezî Nobeta Edaletî daya destpêkerdene înan zî paştî daye wird cinîyan. Akmane û Çiftçi waşt eşkerayîye bidê la polîsan destûr nêda. Polîsan pê derbkerdişî wird cinîyî destbend kerdî.
