9ê çeleyî de seba ke Unîversîteya Bogaziçi rê rektoro qeyûm ame tayînkerdene wendekeran çalakîya protestoyî kerde. Polîsan hêrişê wendekaran kerdû  çaqê wendekarêkî şikîya.

Wendekar Denîz Baran Erburdako çaqê çi ame şiktene ewro waşt ke Edlîyeya Anqara de pêhesnayîşê sûcî bikero. Verê muracatê dozgerîye verê banê edlîye de çalakîyêke ameye kerdene. Polîsan hêriş kerd 5 kesî destbend kerdî.

Wekîlê HDPyî yê Antalya Kemal Bulbulo ke semedê paştdayîşê wendekaran ame edlîye vera destbendkerdişan nêrazîbîyayîş ramojna.

Wendekarê ke ameyî destbendkerdene nameyê înan wîna yê: Seçil Işik, Celil Resulogullari, Ayşenur Gidergi, Çagla Çakir û  Simla Eroglu.