Qezaya Pirsûsî ya Riha de 20ê temmuza 2015î de rayberîya Federasyonê Komelan ê Ciwanan ê Sosyalîstan (SGDF) de ciwananê ke waştê domananê Kobanê rê dîyarîyan bişawê hetê dewleta tirke û çeteyanê DAÎŞî ra raştê hêrişî ameyî  û nê hêrişî de 33 kesan cuya xo vînî kerde. Serrgêra Qirkerdişî de cayê qewimîyayîşî û xeylêk cayan bînan de şehîdê Pirsûsî bî aktîvîteyanê ameyî vîrdardene. Polîsan tirkî vîrardişan de zî hêriş kerd.

Riha de  cayê qikerdişî Merkezê Kulturî yê Amara û goristan saetanê serê sibayî ra hetê polîsan ra gerîya binê ablûqa. Wextê vîrardişî de polîsan waşt ke wa fotografê kesanê ke qirkerdiş de ameyî qetilkerdene bêrê wedartene û seba ke fotografî nêameyî wedertene hêriş kerd fotografê şehîdan dirnayî. Şelîg waşt ke şiro Goristanê Keyeyî yê Pirsûsî la polîsan destûr nêda. Naye ser o keyeyan verê goristanî de çalakîya roniştişî kerde. Qiseykerdişan de ame vatene ke rixmê heme hêrîşan do hesabê qirkerdişan bêro persayene û xeyalê şehîdan bêrê caardene.

Anqara de zî di cayanê cîyayan de ciwananê ke waşt vîrardişê şehîdanê Pirsûsî bikerê raştê hêrişê polîsan ameyî xeylêk kesî ameyî destbendkerdene.

Îstanbul de  zî bi eynî waştişî ciwanê ke ameyî pêser raştê hêrişê polîsan ameye tewr tayr hîrê kesî ameyî destbendkerdene.