Avûkate Ebru Tîmtîka ke roja 238. ya rojeyê mergî de dinayaya xo bedilnaye, cenazaya ci Dezgehê Tipê Edlîyî yê Yenîbosna de yena vindartene. Polîsanê tirkan dormeyê bîna girewt û nêverdenê merdimê Tîmtîke, avûkat û hemwelatîyî uca de vinderê.

Nêzanîyeno ke cenaza key dîyena. Seba Tîmtîke ewro saete 12:00 de verê Baroyê Îstanbulî de merasîmêk do bêro kerdene. Goreyê zanayîşan îqtîdar wazeno nê merasîmî asteng bikero. Cenaza dima do teslîmê keyeyî biba û bêra berdene Cemxaneyê Taxa Gazî.

Cemxane û Goristanê Gazî binê ablûqaya polîsan de yê. Polîsî nêverdenê ke kesî nêzdîyê herême bibê.