Rençberê Başûrê Kurdîstanî mengêke ra nata vera hukmatî çalakîyan kenê. Şar pê qayîl nîyo ke berhemê Tirkîya, Îran û welatanê bînan bêrê rotene. Rençberî mal û berhemanê ke destê înan de manenê verê bînayanê hukmatî û PDKyî de deverdenê. 

Serra 2005î de rijîyayîşê rejîmê Baasî ra dima dewleta tirke Başûr de şaristananê  Hewlêr, Silêmaniye, bi taybetî zî Duhok, Zaxo de bi sîteyê binameyê City viraştî. Merdimê ke dewan ra koç kerd, yenê teşwîqkerdene ke nê cayan de bimanê. Coka polîtîkaya karmendkerdişî bi xurtî ameye caardene. La êyê ke bibê karmend zî hamnan û wisaran de karê rençberîye rê dewam kerd.

Partîyanê Hukmatê Başûrî bi taybetî PDKyî seba ke şar bi temamî xo rê girê bid Tirkîya û Îran reyde peymanê bazirganîye kerdî. Dima ke berhemê reçberan destan de mendî nêrazîbîyayîşî zêdîyayî. Mengêke ra nata vera hukmatî çalakîyî yenê kerdene. Hukmat û PDKyî heta nika seba rençberan çîyêk nêkerd. Şar bi xo gêreno çareyan.