Çarçewa Hemleya 'Abdullah Ocalanî rê Azadîye, Meseleya Kurdan rê Çareserîya Sîyasîye' de Almanya de 99 kesanê roşnvîran, temsîlkaranê partî, dezgeh û sendîkayan, akademîsyenan û rojnamegeran Serekê Komîteya Vergirewtişê Îşkenceyî (CPT) Alan Mittchell rê mektubêk şawit.

Îmzakerdoxanê mektubî ra Profesorê huqûqê mîyanneteweyî Prof. Norman Peachî ANFyî rê qisey kerd.

Prof. Norman Peachî vat: ''Goreyê mi vera Abdullah Ocalanî xeylêk wexto ke huqûq yeno binpaykerdene. Hîrê serrî yo ne merdimanê xo ne zî avûkat vîneno. Tecrîdo giran est o. Ez zî çend serrî verî şîya Tirkîya ke Ocalanî zîyaret bikerî la bi bahaneyan destûr nêdîya. Goreyê kategorîyanê huqûqê mîyanneteweyî tecrîdo wînayên huqûqê mîyanneteweyî binpay keno. Xora CPTyî zî ûca cigêrayîş kerd û vera nê vejîya.

Seba ke PKK lîsteya terorî ya Ewropa de yo seba Ocalanî xebatê ke hewce kenê nînê kerdene. No xelet o. Goreyê qerarê Mehkemeya Berze ya Belçîka PKK rêxistina terorî nîya. Swîsre zî PKK nêkerdo lîste. PKK partîya sîyasî ya ke semedê şarî xoserîye, xoîdarekerdişî wazena.

Birêz Abdullah Ocalanî hema komelê kurdan ser o zaf tesîro sîyasîyî keno. Coka no îşkenceyê tecrîdî yeno kerdene. Naye ra tersenê, wazenê werte ra wedarê. Dewlet û dezgehê Ewropa seba ke humatê tirkî endamê NATOyî û rîyê tekîlîyanê sîyasîyî ra huqûqê mîyanneteweyî binpay kenê. Vera Rojawanî zî Tirkîya huqûq binpaya kena la dinyaya rojawanî naye rê çimanê xo gena. Rixmê zorîye sere de Neteweyanê Yewbîyayeyan de ganî warê mîyanneweyî de xebatî bêrê kerdene.''