Projeyê hunerî yê  ''Sefîrxaneyê dinyayêka newîye: Kurdîstan'' bajarê Lozanî yê Swîsre  de dest pêkerd.

Çarçeweya projeyî de yo ke hetê endama KNKyî sîyasetmedare Nilufere Koç û hunermend Jonas Staalî ra ame dîzankerdene, di rojî  xebatê atolye, fîlmî, konserî, muneqeşeyê masaya gilovere û panelî yenê kerdene. Organzînator û wayîrê keyeyî yê projeyî Tîyatroyê Lozan Vidyî (Théâtre Vidy-Lausanne) yo ke Swîsre û Ewropa de namdar o.  Dezgehê mîyanneteweyî yê sey Weqfê Mondriaan û Progressive Internationalî zî paştî danê ci.

Aktîvîteyê ke xeylêk welatan ra hunermend û sîyasetmedar û akademîsyenî tewrê ci bîyî bi xebatanê atolye dest pêkerd. Bi sernameyê ''Konfederalîzmê Demokratîkî'' hetê Nilufere Koç, ekonomîsto amerîkayij Davîd Adler û aktîvîsta heqanê merdiman o swêdîje Elisabeth Decrey Warner ra xebeta atolye ya ''Demokrasîyê Bêdewletî'' ameye kerdene û bale ameye antene paradîgmaya Rayberê Şarê Kurdî Abdullah Ocalanî ser.