Qedexeyê tebervejîyayîşî yo ke çarçeweya tedbîranê vera vîrusê Korona de 15 bajaranê Kurdîstan û Tirkîya de do 30-31ê gulane de bêro caardene dest pêkerd.

Anqara, Balikesir, Bursa, Eskîşehîr, Dîlok, Îstanbul, Îzmîr, Kayserî, Kocaelî, Konya, Manîsa, Sakarya, Samsun, Wan û Zonguldak de do qedexeyê tebervejîyayîşî bêro caardene.

30ê gulane roja şemeyî de dikan, fêkîroş, goştroşî û huşkfêkî do mabênê saetanê 10.00-17.00 de akerdebî û keyeyan rê serwîs bikerî. Firin û şîranîrotoxî zî do demê qedexeyê di rojan de akerdebî.

Reyna 31ê gulane roja yewşemeyî mabenê saetanê 14.00-20.00 bi şertê caardişê mesafeyê fizîkî û pakerdişê maske 65 serreyî û nê serran ra pîlêrî û êyê ke nêweşîya înan a kronîk esta pîya bi mîkatbîyayoxanê xo eşkenê vejî teber.