Seba ke derheqê Wekîla HDPyî ya Amedî Semra Guzel de di fezlekeyî ameyî amadekerdene Komîsyonê Têmîyankerdeyî derheqê wedaritişê destnêpanayîşê ci de pêvînayîş ame kerdene.

Badê pêvînayîşan bi reyanê  AKP, CHP, MHP û  İYİ Parti qerar ame girewtene ke wa destnêpanîyîşê Guzele bêro wedaritene. Yeno pawitene ke badê nê qerarî hewteyê verê ma de qerar bêro  Heyetê Pêroyî. Tîya Guzele ya zî herinda aye de kesêko/a bîn/e pawitişê ci bikero. Badê pêvînayîşanê Heyetê Pêroyî do qerar bêro girewtene ke destnêpanyîş wedarîyo ya nê. Eke destnêpanayîş bêro wedaritene do rîyê wird fezlekeyan ra rayîrê hukmî bêro akerdene.