Koma Cinîyan ê Femînîstan 8-9ê hezîrane de Amed û Êlih zîyaret kerdbî. Kome zîyaretanê xo ser o raporêk amade kerd û bi eşkerayîye Meydanê Femînîstî yê Beyogluyî de rapor eşkera kerd.

Nameyê cinîyan ser o Ferîde Eralp rapor wend.

Ferîde da zanayene ke înan aktîvîstanê Têgêrayîşê Cinîyan ê Azadan (TJA) û sîyasetmedaranê sey Gultane Kişanak, Sebahate Tuncel û Ayla Akat de pêvînayîş kerdo.

Ferîde vera destsernayîşê Şaredarîya Colemêrgî nêrazîbîyayîşê xo mojna.

Ferîde dîyar kerd ke weçînayîşanê 31ê adare de cinîyan şaredarîyê xo apey girewtê. Ferîde bale ante ser ke wextê qeyûman de dezgehê cinîyan ameyê kerdene qewexane, warê camêrdan û kursê Quranî. 

Ferîde vat: ''Seba ke cinîyî keyeyî ra nêvejîyê teber şaristanê înan qestî ra wina ameyê kerdene.''