Sekreterê Peroyî yê Dev-Yapi-Îşî Nîhat Demîrî derheqê polîtîkaya qeyûman û tesîranê nînan de ANFyî rê qisey kerd.

Demîrî pare kerd ke îqtîdar kurdan çin hesibneno û çim verdano destkewteyanê kurdan. Demîrî îfade kerd ke şarê kurdî şarêko xoverdayox o û bale ante ser ke dewleta tirke tarîx de tim estbîyayîşê kurdan înkar kerdo.

Demîrî vist vîrî ke Şaredarîya Esenyurtî rê qeyûm ameyo tayînkerdene û vat: ''Bi polîtîkayanê sey qeyûmî zerar dîyeno karker, cinî û ciwananê Tirkîya. Şarê kurdî yeno asîmîlekerdene û çin hesibîyeno. Ma sey karkeranê înşaetî na polîtîkaya înkar û îmha red kenê.''

Demîrî ard ziwan ke polîtîkayê qeyûmî sebebê koçkerdişê karkeranê kurdan o û vat: ''Şarê kurdî vizêr zî xo ver da, ewro zî xo ver dano, siba zî do xo ver bido. Mezgê qeyûman sebebanê krîzê ekonomî û koçkerdişê kurdan ra yew o. Qeyûmî herinda ke karkeranê kurdan bixebitnê Trabzon, Artvîn, Konya, Sînopî ra karkeran anê herême û tewrê karî kenê. Qeyûman no pratîk verê cû zî kerd.''

Demîrî pare kerd ke qeyûmî bi çimeyê 'xenîmetê şerî' ewnîyenê şaredarîyanê kurdan ra û vat: ''Coka ganî karkerî seba têkoşînêkê kolektîfî xo rêxistin bikerê. Mesuldarîya ma ya wijdanîye ya ke ma na raştîye çin nêhesibnê.''