Berê sînorî yê Lider Palasî yê şaristanê Nicosia yê Qibrisî de seba azadîya Rayberê Şarê Kurdî Abdullah Ocalanî çalakîya rayraşîyayîşî ameye kerdene. Şarê kurdî û dostanê înan eleqeyêko pîl mojna çalakîye.

Verî stand ronîya û derheqê azadîya Ocalanî de vilawekî ameyî vilakerdene. Dima rayraşîyayîşî dest pêkerd. Çalakîye de sloganê sey 'Bêserek cuye nêbena' ameyî vatene. Eşkerayîya çalakîye de ame vatene ke heta Ocalan azad bibo kurdî do meydanan de bibê û ame vatene ke ''Heta ke Rayber Apo azad nêbo ma rê nefesgirewtiş heram o.''