AKPyî weçînayîşanê 31ê adare de zî semedê xespkerdişê îradeyê şarî heme xîleyê xo fînayî dewre weçînitoxê xo kirişîtî bajaranê Kurdîstanî. Qezaya Qilebanî ya Şirnexî de zî bi nê xîleyan AKP kewt vernî. DEM Partî vera na netecî îtîraz kerd

DEM Partî da zanayene ke ferqê mabênê înan 127 raye û eşkera yeno zanayene ke înan teberê bajarî ra weçînitoxî kiriştî tîya.

Şarê Qilebanî verê rêxistina qeza ra heta Dezgehê Weçînayîşî yê Qeza rayra şi û xîleyê AKPyî protesto kerdî. Wekîla DEM Partî ya Şirnexî Newroze Uysal Aslan zî tewrê rayrayşîyayîşî bîye. Bi seyan kesê ke tewrê rayraşîyayîşî biyî semedê protestokerdişê weçînitoxê ke teberê  bajarî ardîyayî dovîzê “Konuş! Sen nerelisin?” û  “Siz kölesiniz” ameyî kiriştene. Şar bi slogana ''Dizdî do hesab bidê'' şarî qîra.