Saetanê serê sibayî de vera Komeleya Heqanê Merdiman (ÎHD) û Partîya Demokratîke ya Şaran (HDP) operasyonê qirkerdişê sîyasîyî ameyî kerdene.

Operasyonan de Hemserekê ÎHDyî Ozturk Turkdogan, Vervatoxa Meclîsê Cinîyan ê HDPyî ya Anqera Zeyno Bayramoglu, Endamê Meclîsê Partîye  Alî Ozkan, Hemsereka HDPyî ya Eskîşehîrî Şukrîye Ercan, Huseyîn Gehver û Betule Koca ameyî destbendkerdene.

Wezîre Karanê Zereyî yê Tirkî Suleyman Soyluyî badê operasyonê îşxalî yê vera Garê qiseykerdişê xo yê Meclîsî de ÎHD sey 'O ÎHDyo ke mela ganê ci vejîyo' hedef ramojna bi.