Ramazan Turano hewtay serre yo Zîndanê Wanî de ameyêne tepiştene vizêr dinyaya xo bedilnaye. Turan saetanê şewe de Colemêrg de ame definkerdene.

Bado ke otopsî ameye kerdene cenazaya Turanî ameye berdenê Colemêrg. Keyeyî bi îmkananê xo cenazaya xo berde. Rixmo ke malayê taxe tewrê cenaza nêbi wecîbeyê ci yê dînî ameye caardene û bi tewrbîyayîşî bi seyan kesan ameye definkerdene.

Avûkatê keyeyê Turanî  Halîl Kayayî ard ziwan ke raporê otopsî bê keyeyî û avûkatanê ci ameyo kerdene û vat înan rapor îmza nêkerd. Halîlî vat ê do rojanê verê înan de heme raporan  bikerî pêser û muracatê ke hewce kenê bikerê.